Shugaban Somaliya ya mika wuya
April 28, 2021![Somalia Mohamed Abdullahi Farmajo](https://static.dw.com/image/37496549_800.webp)
Shugaban kasar Somaliya, Mohamed Abdullahi Farmajo, ya nuna bukatar kasar ta sake komawa kan teburin tattauna batun zabe, wani abu da ke nuna alamun kokari na yin watsi da tsawaita wa'adinsa na mulki da ya yi a ranar 12 ga wannan wata na Afrilu.
'Yan kasar Somaliya da dama ne dai ke ta zanga-zangar adawa da matakin kara wa kansa shekaru biyu da shugaban kasar ya yi, bayan karewar wa'adinsa a hukumance a ranar takwas ga watan Fabrairun da ya gabata.
A wani jawabin da ya yi ta kafar talabijin a Somaliyar, Shugaba Farmajo, ya ce zai bayyana a gaban majalisar dokokin kasar, domin samun sahalewar majalisar game da bukatarsa ta a tsara wa kasar lokacin zaben.
Shugaba Farmajon ya kuma ya ja hankalin jam'iyyun siyasa da su guji yin duk wani abun da ke iya 6ata wannan shiri da ya bijiro da shi.