Tun bayan da sojojin gwamnatin Siriya da ke samun goyon bayan Rasha da ma kasar Iran suka ayyana kai hare-hare a yankin gabashin Ghouta kusa da Damaskus babban birnin kasar ta Siriya, al'ammura sun ci gaba da lalacewa musamman ma a fannin mace-macen fararan hulla da kuma shigar da kayayyakin agaji. Hakan ya sanya Kwamitin Sulhu na Majalisar Dinkin duniya, ya yi zama domin tilasta tsagaita buda wuta don a samu shigar da kayayakin agaji zuwa yankin na Ghouta. Fararen hula da ke rayuwa a gabashin garin na Ghouta na cikin matsatsi, kuma da dama na fama da rashin lafiya da karancin abinci na ruwan sha.