Rundunar sojin Mali tare da tallafin sojojin hayan Rasha na Africa Corps, sun sake karbe iko da birnin Kidal da ke arewa maso gabashin kasar a ranar Talata.

Dakarun sun kutsa cikin Kidal ba tare da fuskantar turjiya daga kungiyar 'yan tawayen Abzinawa ta FLA da kawarta kungiyar JNIM mai alaka da Al-Qaida ba, wadanda birnin ke zama babbar tungarsu.

Wannan nasarar ta samu ne bayan da sojojin Mali suka kaddamar da gagarumin farmaki a yankin da nufin fatattakar kungiyoyin da suka kira 'yan ta'adda tare da dawo da harkokin gwamnati a birnin Kidal mai matukar muhimmanci.

Sai dai kungiyar 'yan tawayen Abzinawa ta FLA ta fidda wata sanarwa, inda ta ce ta janye daga Kidal ne a matsayin salo da dabarun yaki da kuma kiyaye hadarin da ka iya shafar fararen hula.

Yan awaren Azawad na Mali sun yi ikirarin kwace iko da Kidal

A cikin watan Afrilu da ya gabata ne dai 'yan tawayen FLA da kawayensu na JNIM suka kori sojojin Mali daga Kidal bayan gwabza kazamin fada, kuma sake kwace birnin na zuwa ne a daidai lokacin