Sojojin Chadi sun bayyana samun galaba kan 'yan tawaye bayan shafe makonni ana fafatawa a yankin arewacin kasar lamarin da ya kai ga mutuwar Shugaba Idriss Deby a fagen-daga. Mai magana da yawun sojan ya ce nasarar za ta janyo sojojin komawa bariki. A birnin N'Djamena fadar gwamnati mahukunta sun nuna 'yan tawayen da aka sama cikin datti.

Ita dai gwamnatin mulkin sojan wucin gadi ta Chadi karkashin jagorancin Mahamat Idriss Itno wanda ya kwace madafun iko bayan mutuwar mahaifinsa ta yi alkawarin shirya zabuka cikin watanni 18 domin mayar da kasar bisa tafarkin dimukaradiyya.