HdM: Matashi mai gyaran wayar salula
May 18, 2022![Fraunhofer IZM | Untersuchungen zur Reparierbarkeit von Smartphones](https://static.dw.com/image/61434690_800.webp)
Talla
Shi dai matashin Yahaya dogon Daji ya na horar da rukuni-rukuni ne na matasa yadda za su iya gyara wayar salula ne. Kungiyoyi da gwamnatoci na kawo darurruwan matasa har da mutane masu bukata ta musamman a hannun wannan matashi don a koyar da su sana'o'in hannu na gyaran wayar salula. Matashin dai ya kware a wannan fanni duk ko da yake ba abun da ya karanta ba a jami'a. Matashin ya ce a cikin sana'ar yake ci ya sha har ya gudanar da harkokin rayuwarsa ta yau da kullum. Yanzu haka dai Yahaya Dogon Daji kungiyoyi da gwamantoci na daukarsa horar da matasa dubarun gyaran waya don suma su zamo masu dogaro da kai.