Kwanaki hudu bayan mummunar ambaliyar ruwa da ta yi barna a kudu maso gabashin Spain, firaministan ya ce  wasu sabbin dakarun soji sun isa a yankin da lamarin ya faru don taimaka wa wajen neman wadanda suka bata tare da dawo da garuruwan da laka ta bizne. Rahotannin na baya-bayan nan da hukumomin kasar suka bayar na nuna cewar akalla mutane 211 suka mutu, ciki har da 204 a yankin Valencia, inda ambaliyar ta fi yin barna. yayin da wasu mutane biyu suka mutu a Castile-la-Mancha. Sai dai hukumomin sun yi gargadin cewar wannan adadin na iya karuwa, saboda ana ci gaba da neman mutane da dama da  suka bata,