Sai dai ministan kasar ta Spain ya ce za su yi hakan a cikin sirri, yana mai cewa idan ana son a yi maganin corona sai kowa ya amince da rigakafin da aka fara yi a Spain a ranar Lahadin da ta gabata.

Gwamnatin kasar ta ce duk da wasu na nuna shakku kan sahihancin rigakafin amma za ta sanar da kowa lokacin da ya kamata ya je domin a yi masa ita. Spain dai na gaba-gaba a cikin kasashen Turai da corona ta fi kisa, inda kawo yanzu cutar ta yi ajalin mutum sama da 50,000.