Shugaban Sudan ya karyata zargin da ake masa
January 20, 2019![Sudan Khartum Proteste gegen Präsident Al-Baschir](https://static.dw.com/image/47158087_800.webp)
Talla
Dama dai kungiyar kare hakkin dan Adam ta Amnesty International ta zargi jami'an tsaron kasar da amfani da karfi kan masu zanga-zangar duk kuwa da cewar Shugaba Omar al-Bashir ya dora alhakin wadanda suka rasa rayukansu kan bata garin da ya ce sun fake da zanga-zanar don jefa kasar cikin rudani yayin da ya halarci wani gangami a birnin Al-Kurreda. Sabuwar zanga-zangar ta balle yayin da ma'aikatu dabam-dabam da kuma kungiyoyin Likitoci da Lauyoyi da masu hada magunguna suka tsunduma yajin aiki.
A daya bangaren Shugaba al-Bashir wanda ya dare kan madafun iko ta hanyar juyin mulki shekaru 30 da suka gabata na ci gaba da jaddada akwatin zabe a matsayin hanyar canza gwamnati a kasar.