Sudan ta hana Amurka aika soji don gadin ofishin jakadancita
September 15, 2012![Sudanese demonstrators attack the U.S. embassy in Khartoum September 14, 2012. Three people were killed on Friday during a demonstration against an anti-Islam film outside the U.S. embassy in Sudan, Sudan's state radio said. REUTERS/Stringer(SUDAN - Tags: POLITICS CIVIL UNREST RELIGION)](https://static.dw.com/image/16243961_800.webp)
Talla
Ministan harkokin wajen ƙasar ta Sudan Ali Ahmed Karti ne ya ambata hakan a wata zantawa da ya yi da kamfanin dillancin labaran ƙasar SUNA inda ya ce Khartoum na da ƙarfin da za ta iya kare ofisoshin jakadancin ƙssashen duniya da ke ƙasar ba tare da an aike mata wasu mutane ba.
A jiya Juma'a ce dai wani jami'in gwamnatin Amurka ya shaidawa kamfanin dillanci labarai na Reuters cewar Washington za ta aike da sojinta domin ƙarfafa tsaro a ofishin jakadanci bayan da masu zanga-zanga su ka afka masa biyo bayan nuna wani fim da aka yi a Amurka wanda ya yi kare tsaye ga Annabin tsira (SAW) da ma dai addinin Isalama baki ɗaya.
Mawallafi : Ahmed Salisu
Edita : Usman Shehu Usman