Gwamnatin Sudan ta kudu ta bayyana cewa sojojin ta na ci gaba da picewa daga yankin da suka maye wanda ya jawo fada tsakanin ta da Khartum. Ministan yada labaran a Juba yace dakarun na su na janye, kuma zai dauke su kwanaki ukku kafin su kammala picewa daga yankin Heglig da ake taƙaddama a kansa. Ƙarin haske kan janyewar ya zo ne a dai-dai lokacin da shugaban ƙasar Amirka Barack Obama ya buƙaci Khartum da Juba su shiga tattaunawa don war-ware rikicn.

Mawallafi: Usman Shehu Usman

Edita: Zainab Muhammed Abubakar