Bisa ga dukkan alamu rikicin kasashen China da Japan ya fara ɗaukar wani sabon salo, Inda yanzu kasashen biyu suka dauki matakin shiga cikin shirin ko-ta-kwana, a yayinda dakarun kasashen biyu ke cikin shirye-shiryen kasancewa a bakin daga. Wanna rikicin ya ɗauko asalinsa ne bisa wasu tsibirai da kasashen biyu ke taƙaddama akansu. Kasar China ta jibge a kalla wasu manyan jiragen yakin ruwanta takwas, a kusa ga kasar Japan yayinda kasar ta Japan ta ce tuni dakarun kasasrta ke cikin shirin ko-ta-kwana, domin maida martani ga duk wani yunkurin kasar China, na aukawa Japan. Saktarin janar na MMD Ban Ki-moon ya kira kasashen biyu da su kai zuciya nesa, domin kaucewa duk wani tashin hankali a dai-dai lokacin da duniyar ke cikin wasu riginginmu.

Mawallafi: Usman Shehu Usma

Edita: Umaru Aliyu