Kamar dai yadda jami'an agaji suka tabbatar hare-haren sun afku ne a tashar jiragen kasa ta karkashin kasa da ke birnin St. Petersburg. Daya daga cikin hare-haren a cewar jami'an agajin, nakiya ce da ke dauke da muggan karafa. Rahotanni sun nunar da cewa kawo yanzu a kalla mutane 20 ne suka jikkata sakamakon harin, yayin da aka rufe baki dayan tashoshin jiragen kasa na karkashin kasa a birnin na St. Petersburg.