Wannan dai ya saba da manufar da kungiyar ta baiyana tun da farko na sassaucin ra'ayi domin habaka kimar ta a idanun duniya tun bayan da ta kwace iko da babban birnin Afghanistan a ranar lahadi.

Musamman kungiyar ta na neman mutanen da ke da alaka da gwamnatin da ta shude a cewar rahoton wanda cibiyar nazarin al'amuran kasa da kasa da ke Norway ta fitar.

Kungiyar dai ta ce ta yi afuwa ga dukkan wadanda suka yi aiki da tsohuwar gwamnatin Afghanistan da aka zaba da kuma ta sami goyon bayan kasashen yamma.

Sai dai duk da haka Amirka da kawayenta na cigaba da kwaso ma'aikata wadanda suka kagu su fice daga kasar saboda fargabar kai musu harin ramuwar gayya.