Akalla mutane 22 aka ruwaito sun halaka, wasu 38 kuma suka jikkata sakamakon taho mu gama da wata motar safa ta yi da motar dakon kaya a gabashin kasar Tanzaniya. Fadar gwamnatin kasar ta ce hatsarin ya auku ne a yammacin ranar Jumma'a a wani yanki mai sun Morogoro da ke da tazarar kilomita 200 da yammacin birnin Dar-es-Salaam. 

Shugabar kasar Tanzaniyar da ke cika shekara daya kan madafan iko Samia Suluhu Hassan, ta nuna kaduwa kan hatsarin tare da yi wa 'yan kasar ta'aziya a cewar sanarwar da fadar gwamnatin kasar ta fitar a wannan Asabar.