Ali Hassan Mwinyi wanda aka haifa a shekarar 1925, bayan ya yi gwagwarmaya a mukamai daban-daban ya dare kan gadon mulkin Tanzaniya a shekarar 1984 sannan kuma ya kasance shugaba na farko da ya saki mara ga kafa jam'uyyun masu ra'ayoyi mabambanta a kasar.

Babban abin da za a tuna a game da mariyayin shine rawar da ya taka wajen farfado da tattalin arzikin Tanzaniya tare da ceto kasar daga kangin talauci na shekaru masu yawa.

Tuni shugaban kasar Samia Suluhu Hassan ta ayyana zaman makoki na kwanaki bakwai tare da sausauto tutar kasar kasa domin girmama marigayin da ake bayyanawa a matsayin gwarzon gwarzaye a kasar ta Tanzaniya da ke Gabashin Afrika.