Shugabar kasar Tanzaniya Samia Suluhu Hassan ta soke bikin ranar tunawa da 'yancin kan kasar da aka tsara gudanarwa a ranar Jumma'a, ta kuma umurci a yi amfani da kudaden da aka ware wa bikin wajen gina dakunan kwana ga dalibai masu bukata ta musamman a kasar.

Gwamnatin ta Tanzaniya ta ce tuni ta fitar da kudaden domin a fara aikin, ta kuma fito da wasu hanyoyin da za a yi bikin tunawa da samun 'yancin kan kasar karo na 61 ba tare da an kashe kudi daga lalitar gwamnati ba.