Taron 'yan adawar Siriya a Doha
November 4, 2012![Members of Syria's opposition attend a Syrian opposition conference in Cairo July 2, 2012. Members of Syria's opposition and Arab and other foreign ministers begin a two-day conference in Cairo. REUTERS/Asmaa Waguih (EGYPT - Tags: POLITICS CIVIL UNREST)](https://static.dw.com/image/16067427_800.webp)
Talla
'Yan adawar Siriya sun fara wani taro na kwanaki huɗu a birnin Doha.
Ana kyauttata zaton 'yan adawar su zaɓi Riad Seif, wanda ya daɗe ya na gwagwarmaya da shugaba Bashar Al-Assad a matsayin shugaban sabuwar haɗɗaɗiyar ƙungiyar da su ke bukatar girkawa.
A can ma ƙasar Jordan, wani gungun 'yan adawar Siriya na cigaba da zaman taro.
Ɓangarorin biyu, sun baiyyana burin kifar da mulkin shugaba Bashar Al-Assad, amma sun yi kira ga ƙasashen duniya su ƙara taimaka masu.
A makon da muke ciki, Sakatariyar Harakokin wajen Amurika Hilary Clinton, ta zargi 'yan adawar Siriya da rabuwar kanu ,abinda a cewar ta ke matsayin babban cikas ga yunƙurin kawo ƙarshen mulkin shugaba Al-Assad.
Mawallafi: Yahouza Sadissou Madobi
Edita: Mohammad Nasiru Awal