Bincike dai ya tabbatar da Gungun kanfanin na "Dangote Refinery" cewa ana dakon hukumomi su kayyade farashin man fetur din na Dangote kafin a sake shi ga jama'a. To sai dai wannan karin kudin mai na baya-bayan nan ya nuna cewa farashin kayan abinci da zirga-zirga  ababan hawa sun sake tashin gwauran zabi inda a yanzu ake sayar da man fetur lita daya a Naira 897 maimakon Naira 568 a kowace lita a fadin kasar. Sai dai a daura da haka farashin man fetur din a arewacin kasar ya tasamma Naira dubu daya da dari biyu kan kowace lita.

Karin Bayani: Ko NNPC za ta kyale matatar Dangote?

Kasancewar muhimmancin Kungiyar IPMAN da ke da alhakin sayar da man fetur a kauyuka da birane ya sanya na tuntubi Alhaji Zannah Mustafa daya daga cikin shugabannin kungiyar a Nijeriya kan batun wannan kayyade farashi na man Dangote, inda yake cewa kamfanin mai na kasa kadai ka iya sayan kaya a wajen su kamar yarda suke saya a ketare ake kawo wa a raba wa 'yan kasuwa, su kuma su raba gidajen mai domin sayarwa ga jama'a. Yanzu dai a bisa bincike ya nuna cewwa matatar kanfanin mai na Dangote ta shirya tsaf inda take jiran kayyade farashin kowace lita ga 'an kasa.