Wani rahoton Bankin Duniya ya bayyana cewa tattalin arzikin Najeriya na cikin gida wato GDP ya karo da kashi 3.4% a shekara ta 2024, wanda ya dara ci gaban da aka samu na bunkasar tattalin arzikin a cikin shekaru 10.

Karin bayani:Karin gangar man fetur da Najeriya ke hakowa 

Rahoton na Bankin Duniya ya bayyana cewa an samu ci gaba a tattalin arzikin kasar ne sakamakon riba da aka samu wajen fitar da danyen mai da kuma ci gaba da ake samu cikin gaggawa ta fannin kimiyya da fasaha da kirkire-kirkire da kuma cibiyoyin hada-hadar kudade.

Karin bayani:Nageriya: Barazanar karin matalauta miliyan 13 

Kazalika bankin ya yi hasashen cewa tattalin arzikin kasar na GDP ka iya zarta hakan a wannan shekara ta 2025 da kashi 3.7%. Sai dai rahoton ya bayyana cewa an samu koma baya ta fannin bunkasa noma sakamakon tashe-tashen hankula da ake fuskanta a yankin Middle Belt da ya hada da jihohi 14 da ke shiyyar tsakiyar Arewacin Najeriya.