Dan wasan tsakiya na kungiyar kwallon kafa ta Real Madrid Toni Kroos ya ce zai yi murabus daga wasannin kwararru na duniya bayan wakiltar Jamus a gasar zakarun Turai.

Da yake sanar da haka a shafinsa podcast, dan wasan mai shekaru 34 da haihuwa ya ce ya dade yana tunani mai zufi akan batun kuma ya kammala yanke hukunci a kakar bana zai  yi bankwana da wasannin duniya yana mai cewa wannan hukunci ne mawuyaci.

Toni Kroos wanda ake dauka daya daga cikin kwararrun yan wasa a zamaninsa kuma dan wasan tsakiya mafi shahara ya sami nasarar lashe gasar Bundesliga sau uku da kofin Jamus da kofin zakarun Turai a kungiyar Bayern Munich. Ya kuma sami nasarar daukar kofi har sau hudu a gasar Laliga.