Amirka ta ja nunnen Turkiyya kan Siriya
October 10, 2019![Militäroffensive der Türkei in Nordsyrien](https://static.dw.com/image/50764396_800.webp)
Talla
Ma'aikatar tsaron Turkiyya ta ce dakarunta sun killace wani ayarin Kurdawa sama da 200 da ta ke zargi 'yan ta'adda ne, an kuma girke manyan tankokin yaki a muhimman wurare.
Sai dai Shugaban Amirka Donald Trump ya ce Turkiyya ta yi kuka da kanta idan ba ta bi a sannu ba yayin kaddamar da hare-haren nata, Trump ya ce zai iya gurgunta tattalin arzikin Turkiyya. Kwamitin sulhu na Majalisar Dininkin Duniya za ta yi zaman gaggawa kan janye dakarun Amirka a Arewa maso gabashin Siriya, matakin da kasashen duniya ke Allah wadai.