1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
SiyasaYuganda

Yuganda: Tsaiko yayin gudanar da zabe

Lateefa Mustapha Ja'afar
January 15, 2026

Rahotanni daga Kampala na nuni da cewa, an yi ta samun tsaiko a rumfunan zabe yayin da al'ummar kasar suka fito domin kada kuri'unsu a zaben shugaban kasa.

Yuganda | Kampala | Zabe | Shugaban Kasa | Yoweri Museveni | Adawa | Bobi Wine
Tsaiko a rumfunan zabe yayin kada kuri'u a zaben shugaban kasa a YugandaHoto: Luis Tato/AFP/Getty Images

Wasu rumfunan zaben na Yuganda sun ma kasance ne a rufe tsawon sa'o'i, yayin zaben da aka shirya fara shi da karfe bakwai na safiya, abinda Hukumar Zabe ta Kasa ta bayyana da tangardar na'urori da ta samu. An dai gudanar da zaben cikin fargaba da kuma katsewar sadarawa ta Internet tsawon kwanaki, abin da ya saba da tsarin dimukuradiyya. Shugaba Yoweri Museveni da ke da shekaru 81 a duniya da ke mulkar kasar tun daga shekara ta 1986 na neman tazarce, a zaben da babban abokin hamayyarsa ya kasance mawaki Bobi Wine da ke da shekaru 43 a duniya, wanda kuma ke neman sauyi a siyasar kasar.