Wannan dai na zuwa ne bayan wasu kalamansa kan rundunar taron dangin da saudiyya ke jagoranta a kasar Yemen, abin da ya jagoranci tarbarbarewar dangantakar Lebanon din da Saudiyyan. Rikicin dai na neman wargaza sabuwar gwamnatin ta Berut, tare da kara ta'azzara matsalar tattalin arziki da kasar ke ciki a yanzu.

Firaminista Najib Mikati dai, ba shi da 'yancin korar ministan yada labaran ba tare da amincewar kaso biyu bisa uku na majalisar zartarwar kasar ba. A nasa bangaren minista n yada labaran George Kordahi ya ki neman afuwa balle ya yi murabus daga mukaminsa, wanda ke samun goyon bayan kungiyar Hezbollah da mukarrabanta na majalisar zartarwa.