Kamfanonin sun ce suna dab da samun amincewa ta karshe daga hukumomin Amirka da Tarayyar Turai bayan da suka gano rigakafin wace suka ce tana bayar da kariyar kaso 95 cikin 100 na hadarin kamuwa da corona.

Wannan na zuwa ne a yayinda a Jumma'ar nan MDD ta yi gargadi ga likitocin da ke amfani da maganin Remdesivir wurin warkar da cutar corona. Masu bincike a hukumar lafiya ta duniya sun ce hakika maganin yana da wasu alfanu, amma babu wani tartibin bayanin da zai nuna cewa maganin zai kawo wa masu corona mafita.