Shugabar hukumar gudanarwar Tarayyar Turai Ursula Von der Leyen na shirin kai ziyara  Tsibirin Lampedusa, tare da rakkiyar Firaministar Italiya Giorgia Meloni don gane wa idanunsu dabban bakin hauren da aka sanar da isowarsu tsibirin. Firaminstar Italiya ta bukaci dauki daga EU bayan da a tsukin kwanakin uku aka sumu kwakwarowar bakin haure sama da 8.500 a tsibirin da ke a nisan kilomita 145 da kabar ruwan Tunisiya. Hotunan bidiyon dubban bakin hauren da aka nuna suna kwance a filin Allah, wasu kuma na tsallaka shingayen tsibirin domin fantsama cikin gari ya fusata wasu mambobin gwamnati Italiya, lamarin da mataimakin Firaministar kasar Matteo Salvini ya alakanta da barazanar mamayasu.