Rasha na fuskantar barazana daga Turai
February 2, 2022![Russland | PK | Treffen Putin und Orban in Moskau](https://static.dw.com/image/60627719_800.webp)
Talla
Kungiyar tarayyar Turai ta ce; a shirye ta ke ta azawa Rasha takunkumin karya tattalin arziki, muddun gwamnatin Kremlin ta kuskura ta kai wa Ukraine hari ko wata mamaya. Rasha dai, ta ci gaba da musanta zargin yin mamayar a maimakon hakan ma, ta zargi kasashen yamma da kokarin jefa kasarsa yaki da Ukraine.
A 'yan makonnin da suka gabata, an gano yadda Rasha ta tura da dakarunta kusan dubu dari da wasu karin kayayyakin yaki zuwa iyakarta da Ukraine, daya daga cikin dalilan da ya saka kasashen yamma zargin Rasha da shirin mamayan. Batun ya haifar da tsamin dangantaka a tsakanin Rasha da sauran manyan kasashen duniya da kawunansu ke rabe kan rikicin mamayan Ukraine.