Wannan dai na zuwa ne bayan sanarwar da shugaban kasar Turkiyya Recep Tayyip Erdogan ya yi a wata tataunawa da shugabar gwamnatin Jamus Angela Merkel na cewar Turkiya na da burin daidaita dangantakarta da kungiyar EU.

Shugaba Erdogan har yanzu yana kan bakansa na nuna cewar yankin da ake wannan aikin mallakar kasar sa ce kuma bai ga laifi a ayyukan da suke yi ba.

Kungiyar ta EU ta yi barazanar kakabawa Turkiyya takunkumi a game da wannan aiki na hakar iskar gas sai dai mahukuntan na Ankara ba su nuna alamun janyewa ba.