Toshe 'yan jarida ya ja wa Twitter suka
December 16, 2022![Elon Musk | Twitter | Suka](https://static.dw.com/image/63935911_800.webp)
Talla
Kakakin Majalisar Dinkin Duniyar Stephane Dujarric ne ya bayyana damuwar, inda ya kara da cewa bai kamata a rinka toshe bakin 'yan jarida a shafukan da ke ikirarin kare 'yancin fadar albarkacin baki ba. A cewarsa matakin na kamfanin Twitter na da munin gaske, ganin ya zo ne a daidai lokacin da 'yan jarida a duniya baki daya ke fuskantar matsin lamba da cin zarafi da barazana.