Ukraine da Moldova sun kama hanyar shiga Tarayyar Turai
June 17, 2022![Brüssel EU Ukraine Ursula von der Leyen](https://static.dw.com/image/62168293_800.webp)
Talla
Hukumar Tarayyar Turai ta amince da matakin kasashen Ukraine da Moldova na zaman 'yan takara kan shiga kungiyar. Yayin taron manema labarai a birnin Brussels na kasar Beljiyam helkwatar kungiyar, shugabar hukumar Ursula von der Leyen ta ce kasar ta Ukraine ta zama 'yar takara kan shiga kungiyar duk da yake akwai sauran aiki. Kana ta ce kasar Moldova za ta kara zage damtse kan bunkasa tattalin arziki da karfafa tafiyar da gwamnati.
Shugaba Volodymyr Zelensky na Uktaine ya wallafa sako a kafar sada zumunta da ya nuna gamsuwa da matakin na kungiyar kasashen Tarayyar Turan. Tuni Shugaba Maia Sandu ta kasar Moldova ta yi maraba da wannan mataki kan kama hanyar shiga kungiyar ta Tarayyar Turai mai tasiri.