Mukaddashin firaministan kasar ya shaidawa 'yan jarida na cikin gida a Ukraine cewa a maimakon haka yana bukatar Moscow ta kyale dubban jama'a mazauna birnin da kuma ke cikin firgici su wuce don samun taimakon jinkai. 

Tun da farko ma'aikatar tsaron Rasha ta ce ta baiwa UKraine wa'adi zuwa karfe biyar na safiyar Litinin 21 ga watan Maris ta bada amsa ga bukatun da Rasha ta gabatar mata.

Shugaban cibiyar tsaro ta Rasha Mikhail Mizintsev yace suna kira ga dukkan sojojin UKraine da sauran rundunoni da sojojin haya na kasashen waje su ajiye makamansu idan ba haka ba  za a dauki mataki mai tsanani akan dukkan wadanda suka ki yin saranda.

Kudancin birnin Mariupol mai tashar jiragen ruwa yana da muhimmanci ga yakin Vladimir Putin a Ukraine saboda mahada ce da za ta danganta sojojin Rasha a Crimea da kudu maso yamma da kuma yankunan da Rasha kuma yankunan da Rasha ta ke iko da su a arewaci da kudancin kasar.