Shugaba Volodymyr Zelensky ya bukaci kasashen yamma da su gaggauta daukar matakin da ya dace, game da batun tayin jirgayen yaki samfarin Mig-29 da Poland ta yi masu don ba wa Ukraine damar kare kanta daga mamayar Rasha.

Shugaba Zelensky ya yi kiran ne ga kawayen Ukraine a cikin wani jawabinsa na faifan bidiyo da aka wallafa ta Telegram.

A wannan Talatar ce kasar Poland ta yi tayin damka jiragenta na yaki samfarin Mig-29 ga Amirka kan daga bisani ita kuwa Amirkar ta sallamasu ga Ukraine, tayin da Amirkar ta yi watsi da shi tana mai cewa ba abu ne da ke yuwuwa ba.