A wata sanarwar da ma'aikatar tsaron Rasha ta fitar a ranar talata, ta ce matakin zai soma aiki ne a sanyin safiyar wannan Alhamis kana kuma Rasha za ta yi aiki kafada da kafada da hukumomin bayar da agaji na kasa da kasa irinsu Red Cros da hukumar kula da 'yan gudun hijira ta Majalisar Dinkin Duniya.

Sai dai tuni shugaban Ukraine Volodymyr Zelensky ya nuna shakku kan sahihancin yunkurin na Rashar yana mai cewa a shirye dakarunsa suke su fafata da na Rasha a yankin Donbass da ke gabashin kasar.

Rahotanni sun ce Rasha ta yi luguden wuta kan birnin Tcherniguiv da Mariupol, inda rahotanni suka ce an kai wasu jerin hare-hare ciki har da kan wani bene na hukumar Red Cros, duk da yake magajin garin yankin bai yi wani karin haske a kai ba.

A nata bangare Michelle Bachelet, kwamishiniyar hukumar kare hakin bil Adama ta Majalisar Dinkin Duniya, ta zargi Rasha da aikata laifukan yaki a cikin wata doguwar makala da ta wallafa.