Gwamnan yankin Rostove ya ce an kakkabo jiragen 90 a kudancin yankin daga cikin wadanda Ukraine ta harba Rasha cikin dare. Yayin da kuma magajin garin Moscow, Sergei Sobyanin ya ce an kakkabo wasu 27 da aka harba su zuwa a babban birnin kasar. Sai dai kuma gwamnan yankin Saratov ya ce, mutane biyu sun jikkata a harin jiragen da ya lalata gidaje da dama a kudu maso yammacin yankin.

Karin bayani: Ukraine ta kai wa Rasha kazamin hari a masana'antar kera makamai

Ana dai sa ran masu tattaunawa na Ukraine da Amurka kan kawo karshen yakin  su gana a wannan Asabar din, a cewar Shugaba Volodmyr Zelenskyy na Ukraine. A cewarsa, Kyiv za ta nema karin haske daga jami'an Amurka a zaman tattauna na kwanaki uku da Rasha, da aka dage a watan da ya gabata sakamakon rikicin yankin Gabas ta Tsakiya.