Gwamnan yankin Bryank, Alexander Bogomaz ya ce an kakkabo jiragen marasa matuka fiye da 30 da Ukraine ta harba kan yankin da ma wasu yankunan Rasha. Hare-haren na Ukraine na zuwa ne sa'o'i kadan bayan Rasha ta kai wa Ukraine harin bam da ya lalata wani gini a Kharkiv, birnin na biyu mafi girma a Ukraine, wanda ya yi sanadiyar mutuwar mutum 3 yayin da wasu 56 suka jikkata.

Karin bayani: Sabbin hare-haren Rasha a Ukraine sun salwantar da rayuka

Har wa yau Rasha ta ce Ukraine ta yi amfani da wasu makamai masu linzami da Amirka ta bata wajen kai hari yankin Crimea, inda nan ma wasu mutum uku suka rasa rayukansu. Har kawo yanzu Ukraine ba ta ce uffan ba kan dukannin hare-haren.