Bayan wani harin bam da sojojin Rasha suka kaddamar a wani gidan wasan kwaikwayo a Ukraine, hukumomi sun ce daruruwan mutane sun makale a cikin baraguzan ginin. Wannan na zuwa ne a dai-dai lokacin da Amirka ta gargadi China ta tsawata wa babbar kawarta Kremlin da ke aikata lafukan yaki a Ukraine.

Da yake magana da Shugaban Rasha Vladmir Putin ta wayar tarho, Shugaban Faransa Emmanuel Macron ya bayyana matukar damuwa game da makomar Mariupol na Ukraine ya kuma bukaci stagaita wuta don kai agaji a birnin.