Wani harim bom ya haddasa mutuwa a Somaliya
August 3, 2024![Wajen da aka kai wa harin bom a Somalia](https://static.dw.com/image/69660866_800.webp)
Rahotannin da ke fitowa daga Somaliya, na cewa wasu mahara sun kai hari a wani Otel da ke Mogadishu babban birnin kasar inda akalla mutane 14 suka rasa rayukansu.
'Yansanda sun ce harin da ya shafi wani wajen shakatawa na Lido Beach, ya kuma jikkata sama da mutane 30.
Jami'ai sun bayyana yiwuwar samun karin wadanda za su salwanta sakamakon harin, daga dai yadda aka yi nazarin hotunan bidiyo da aka nada a wajen da kuma suka yi ta wadari a shafukan sada zumunta.
Mazauna kewayen yankin da wuraren shakawatar ke a ciki a birnin na Mogadishu dai sun ce sun kwashi lokaci suna ta jin karar harbe-harben da suka hakkake cewa mayaka masu ikirarin jihadi ne ke aikata ta'asar.
Akwai ma tashin nakiyoyi da suka biyo bayan harbe-harben kamar yadda shaidu suka tabbatar.