Jaridar Daily Monitor ta ruwaito cewa, shaidu sun ce wanda ake zargin ya bayyana kansa a matsayin daya daga cikin iyayen yaran, inda ya fara shiga ofisoshin makarantar kafin ya fara kai hari kan yara daya bayan daya.

Mai magana da yawun ‘yan sanda, Kituuma Rusoke, ya ce akalla yara hudu ne suka mutu a harin ba tare da an san dalilin harin ba. Sai dai wanda ake zargin, ya shiga hannun hukuma. Ba a cika fuskantar irin wadannan hare-haren ba a birnin Kampala mai yawan mutane kimanin miliyan uku.