An yi ruwan kwallaye a mako na uku na kakar Bundesligar Jamus ciki har da tonon silili a Bremen ta yi wa Mönchengladbach a gaban magoyabayanta.
Sabon mai horas da 'yan wasan Bayer Leverkusen Kasper Hjulmand Hoto: Martin Meissner/AP Photo/picture alliance
Talla
Za mu yaye labulen shirin da gasar Bundesliga ta Jamus, inda aka yi gurmuzu a filaye dabam-dabam a wasannin mako na uku. A ranar Jumma'a Leverkusen ta sake farfado da ruhinta, a karkashin sabon mai horaswa Kasper Hjulmand ta doke Frankfurt ci uku da daya. A ranar Asabar Borussia Dortmund ta yi abin kai, inda ta iske Heidenheim har gida ta doketa ci biyu da nema.
Sauyin 'yan wasa mafi tasiri a gasar Bundesliga
Tafiyar Florian Wirtz daga Bundesliga, ta janyo rasa 'yan wasa masu tasiri. Wadanne 'yan wasa ne suka fita daga gasar, sannan wadanne ne suka sauya sheka a gasar ta Bundesliga kana wadanne ne suka shiga?
Hoto: Mika Volkmann/IMAGO
Florian Wirtz daga Bayer Leverkusen zuwa FC Liverpool
A cikin yanayin tarihi, guda cikin kwararrun 'yan wasan Jamus ya sauya sheka kan kudi Euro miliyan 150. Maimakon ya koma FC Bayern da kila za ta so ta saye shi, saboda kwarewarsa wajen iya sarrafa kwallo. Saidai Wirtz ya zabi ya koma kungiyar FC Liverpool ta Ingila. An dai saye shi a kan kudi Euro miliyan 125, inda za a rinka biyansa albashin Euro miliyan 12 zuwa 15 a shekara.
Hoto: Marius Becker/dpa/picture alliance
Jeremie Frimpong daga Bayer Leverkusen zuwa FC Liverpool
Shi ma Jeremie Frimpong abokin wasan Wirtz a kungiyar Leverkusen ya bi sahu, inda dan kasar Netherlands din ya koma Kungiyar Liverpool a kan kudi kimanin Euro milyan 35. Za dai a iya cewa, Frimpong ya koma gida. Ya girma a Ingila tun yana da shekaru bakwai a duniya, inda ya fara samun horo a kungiyar Manchester City ta 'yan kasa da shekaru 19.
Hoto: Maximilian Koch/dpa/picture alliance
Hugo Ekitiké daga Eintracht Frankfurt zuwa FC Liverpool
"Hugo ya samu ci-gaba cikin shekara daya da rabi da ya yi tare da mu", a cewar Markus Krösche darakta a kunguyar Frankfurt. Ita dai Eintracht Frankfurt, ta samu kudin sauyin sheka da ya kai Euro milyan 95 daga kungiyar Liverpool ta Ingila. Hugo Ekitiké dan kasar Faransa mai shekaru 23 da haihuwa ya jefa kwallaye 15 a wasannin Bundesliga, ya kuma taimaka an zura kwallaye takwas a raga.
Hoto: Jan Huebner/IMAGO
Jonathan Burkardt daga Mainz zuwa Eintracht Frankfurt
Bayan shekaru 10 a kungiyar Mainz, a karshe dan wasan Jamus Jonathan Burkardt ya koma kungiyar abokan hamayya. Dan wasan mai shekaru 24 da haihuwa ya tsallaka zuwa wasan neman cin kofin zakarun Turai tare da Mainz, amma yanzu zai yi wasan tare da kungiyar Eintracht Frankfurt. Burkardt da ya sanya hannu kan kwantiragi har zuwa shekara ta 2030, an saye shi kan kudi Euro milyan 23 har da kudin gata.
Hoto: Joaquim Ferreira/HMB Media/picture alliance
Noah Darvich daga Barcelona zuwa Stuttgart
Mai shekaru 18 da haihuwar, na cikin 'yan wasan Jamus matasa masu tasiri. Ya soma da wasan cin kofin Turai da na duniya na 'yan kasa da shekaru 17 da haihuwa, a shekara ta 2023. Ya koma taka leda a tawagar matasa ta kungiyar Barcelona, shekaru biyun da suka gabata. Tsohon dan wasan matasan kungiyar Freiburg, ya saka hannu kan kwantiragi da kungiyar Stuttgart har zuwa shekara ta 2029.
Jobe Bellingham daga AFC Sunderland zuwa Borussia Dortmund
Jobe Bellingham ya sake koma wa kungiyar Borussia Dortmund da yake da dangantaka da ita, inda ya bi sawun yayansa Jude Bellingham a kungiyar. Mai shekaru 19 da haihuwa ya baro kungiyar AFC Sunderland ta Ingila, a kan kudi kimanin Euro milyan 30 zuwa kungiyar Dortmund. Ya saka hannu kan kwantiragi da Borussia Dortmund, har zuwa shekara ta 2030.
Hoto: David Inderlied/Kirchner-Media/picture alliance
Jonathan Tah daga Bayer Leverkusen, zuwa Bayern Munich
Ya so ya koma kungiyar Bayern Munich tun lokacin bazarar shekarar da ta gabata, amma an samu akasi wajen kammala yarjejeniyar. Dan wasan bayan ya sauya sheka, bayan kwantiraginsa da kungiyar Leverkusen ta kawo karshe. Kungiyar Bayern Munich, ta jima tana tsarin dauko Tah. A yanzu akwai kudin sauyin sheka daga Euro milyan biyu zuwa hudu, ya danganta da nasarar da ya samu.
Hoto: Frank Hoermann/SVEN SIMON/picture alliance
Jarell Quansah daga FC Liverpool zuwa Bayer Leverkusen
Bayer Leverkusen ta maye gurbin Jonathan Tah da dan wasan kungiyar Liverpool ta Ingila 'yan kasa da shekaru 21 a wasannin cin kofin Turai, inda aka kashe kudi kimanin Euro milyan 30 kan kwantiraginn Jarell Quansah har zuwa shekara ta 2030. Kudin zai iya kai wa Euro milyan 40, idan aka hada da kudin garabasa. Mai shekaru 22 a duniyar, ya kafa tahiri a kan wannan kudin a kungiyar ta Leverkusen.
Hoto: Robert Nemeti/dpa/picture alliance
Leroy Sané daga Bayern Munich zuwa Galatasaray
Bayan shekaru biyar a kungiyar Bayern Munich ta Jamus, ba ya bukatar sake saka hannu da kungiyar Bayern Munich. Maimakon haka Leroy Sané ya zabi komawa zuwa Galatasaray da ke kasar Turkiyya a matsayin sabon babi, ta yi wu saboda karin kudi da zai samu. Sané zai karbi kimanin Euro milyan 12 lokacin kakar wasanni, karkashin sabuwar kwantiraginsa.
Hoto: Bahho Kara/Kirchner-Media/picture alliance
Mark Flekken daga FC Brentford zuwa Bayer Leverkusen
Dan kasar Netherlands mai tsaron raga Mark Flekken ya koma kungiyar Bayer Leverkusen daga wasanin Premier ta Ingila, inda ake sa ran zai maye gurbin Lukas Hradecky a matsayin mai tsaron raga. Ya kasance mai tsaron raga na kungiyar Freiburg daga shekara ta 2021 zuwa ta 2023.
Hoto: John Walton/empics/picture alliance
Hotuna 101 | 10
Wasan da aka yi tata-burza a cikinsa kuwa shi ne, FC Collogne da ta kai ziyara gidan Wolfsburg gidanta, a wani wasa mai cike da rudani da kungiyoyi suka buga a cikin yanayi na saukar ruwan sama mai karfi. An dai tsayar da karawar har sau uku, saboda ruwan sama da kuma yamutsi daga 'yan kallo. Amma duk haka a cikin karin muntuna 14 da alkalin wasa ya yi, FC Collogne ta yi nasarar farke kwallo na uku da aka zura mata, lamarin da ya sa kungiyoyin suka tashi canjaras uku da uku.
Gumurzun VfL Wolfsburg da FC CologneHoto: Ralf Treese/DeFodi Images/picture alliance
A sauran wasanni kuwa Union Berlin ta yi abin fallasa a gida, inda ta yi rashin nasara a gaban Hoffenheim da ci biyu da hudu. Mainz kuwa, ta sha kashi a wasanta da RB Leipzig da ci daya mai ban haushi. Freiburg ta doke Stuttgart da ci uku da daya, yayin da Bayern Munich ta yi nasara a kan Hamburg ta hanyar zazzaga mata kwallaye biyar da nema. Wannan wasa ya kasance mai cike da tarihi ga sabon dan wasa Nicolas Jackson dan kasar Senegal da Bayern Munich ta cefano daga Chelsea, domin shi ne karo na farko da ya taka wa sabuwar kungiyarsa leda.
Real Madrid ta sha da kyar a mako na hudu na gasar La Liga ta SpaniyaHoto: Adam Hunger/AP/picture alliance
A sauran Lig-lig na Turai a daf da fara gasar Zakarun Turai, kungiyoyin da ke ji da kansu sun gwada kwanji a filaye dabam-dabam. A La Liga ta Spaniya da kyar da jibin goshi, Real Madrid da ke rike da teburin gasar ta doke Real Sociedad ci biyu da daya. Atletico Madrid da ke a matsayi na 10 ta lallasa Villarreal da ci biyu da nema. Ita kuwa Barcelona kwallaye shida ta zazzaga a ragar Valancia, a wassan da dan tatsitsin yaro da idon duniya ke kansa Lamine Yamal bai buga ba. Sai dai Lewandoski da Rafinha da Firmin Lopez da kowannensu ya ci kwallo biyu, su ne suka jagoranci wannan nasara a mako na hudu na kakar Liligar ta bana.
Bukayo Saka na cikin 'yan wasan da kungiyar Arsenal ke ji da suHoto: Neal Simpson/Imago Images
A Premier League ta Ingila kuwa, manyan wasanni da aka buga a mako na hudu na kakar bana sun hada da dukan kawo wuka da Arsenal ta yi wa Nottingham Forest da ci uku da nema. Everton ta tashi canjaras da Aston Villa, ba tare da kowannensu ya ci kwallo ba. Tottenham ta iske West Ham har gida, ta casa ta da ci uku danema. Brentford ta yi wa Chelsea ba-zata, inda suka tashi canjaras biyu da biyu. Liverpool da ke saman teburin gasar, ta doke Burnley ci daya mai ban haushi. Sai kuma Manchester City da ta nunawa takwararta Manchester United iyakarta, inda ta lallasata da ci uku da nema ciki har da kwallaye biyu da Haaland ya zura.
Ko wacce kungiya ce za ta lashe gasar Champions League a bana?Hoto: Waldemar Thaut/Zoonar/IMAGO
Talata 16 ga watan Satumbar da muke ciki ne za a yaye labulen gasar Zakarun Turai wato Champions League a cikin sabon fasali, inda za a yi gumurzu a tsakanin kungiyoyi 28 da suka samu tikitin zuwa gasar. Daga cikin manyan wasannin da za a fafata, a yayin bude gasar Altetico Bilbao ta Spaniya za ta karbi bakuncin Arsenal. Real Madrid za ta fafata da Olympique de Marseille ta Faransa, Juventus kuma ta karbi bakuncin Borussia Dortmund. Benfica ta Portugal za ta kara da Qarabag ta Azerbaidjan, sai Tottenham da za ta kece raini da Villarreal ta Spaniya.
Wadanda suka fi cin kwallo a gasar zakarun Turai
'Yan wasan uku da ke gaba wajen cin kwalo a wasan cin kofin zakarun Turai Cristiano Ronaldo, Lionel Messi da Karim Benzema, yanzu sun fice daga wasannin nahiyar 'yan wasa biyu Thomas Müller da Robert Lewandowski.
Hoto: Ulrich Hufnagel/IMAGO
Zlatan Ibrahimovic - kwallaye 48
Dan wasan gaba na Sweden, domin haka babu mamaki yadda Zlatan Ibrahimovic ya jefa kwallaye 48 a gasar wasannin cin kofin zakarun Tutai lokacin da ya yi wasa a kungiyoyi shida: Ajax Amsterdam (6), Juventus Turin (3), Inter Milan (6), FC Barcelona (4), AC Milan (9) da Paris St. Germain (20). Amma bai taba lashe kofin zakarun Turai ba.
Hoto: Reuters
Andriy Shevchenko - Kwallaye 48
Dan kasar Ukraine kamar Ibrahimovic, Andriy Shevchenko shi ma ya jefa kwallaye 48 a wasannin cin kofin zakarun Turai. Amma ba kamar dan Sweden ba, shi Shevchenko ya taba lashe gasar a shekara ta 2003 tare da kungiyar AC Milan ta Italiya. Dan wasan gaba ya jefa kallaye 29 lokacin da yake AC Milan, 15 yana kungiyar Dynamo Kiev sanna kuma hudu tare da kungiyar Chelsea ta Ingila.
Hoto: Sergey Dolzhenko/epa/dpa/picture-alliance
Alfredo di Stefano - Kwallaye 49
Dan wasan gaban kasar Ajentina da da ya shafe shekaru 11 da kungiyar Real Madrid. A lokacin ana kiran kofin zakarun nahaiyar Turai da sunan kofin Turai. shi dai Alfredo di Stefano ya taka muhimmiyar rawa musamman daha shekarar 1956 zuwa 1960 inda ya jefa kwallaye 49. Dan Ajentinan ya rasu a shekara ta 2014, marigayin ya kasance daya daga cikin fitattun 'yan wasa na duniya.
Hoto: picture-alliance/dpa
Thierry Henry - Kwallaye 50
Dan wasan gaba na Faransa ya jefa kwallaye rabin 100 a tsawon lokacin da ya yi wasanni a gasar ta neman cin kofin zakarun Turai: S Monaco (7), Arsenal FC (35) da FC Barcelona (8). A shekarar 1998 ya lashe kofi tare da tawogar kunguyar Barça. Akwia kuma mutum-mutumin Henry na tagulla a filin wasan Arsenal. Dan wasan na Faransa yana cikin kudin litattafin tarihi na duniya na Gunners.
Hoto: augenklick/firo Sportphoto/picture alliance
Thomas Müller - Kwallaye 54*
Gasar cin kofin zakarun Turai da Thomas Müller, sun dace da juna. A shigar sa na farko, kungiyar Bayern Munich ta doke Lisbon 7 da 1, a watan Maris na shekarata 2009, lokacin dan shekara 19 da haihuwa ya jefa kwallonsa farko daga cikin 53 da za su biyo baya zuwa yanzu. Ya lashe gasar sau biyu a shekara ta 2013 da 2020 tare da kungiyar Bayern Munich. (Wannan zuwa daya ga watan Oktoba na 2024).
Hoto: Andreas Gebert/REUTERS
Ruud van Nistelrooy - Kwallaye 56
Dan wasan gaba na Netherlands, Rutgerus Johannes Martinus van Nistelrooij ya jefa kwallaye lokacin da ya yi wasa tare da kuniyoyi uku a wasannin cin kofin zakarun Turai: PSV Eindhoven (kwallaye 8), sai Manchester United (kwallaye 35) sannan kuma Real Madrid (kwallaye 13). Van Nistelrooy bai taba lashe kofin zakarun Turai ba, amma sau uku yana zama wanda ya fi cin kwallaye.
Hoto: Martin Rickett/empics/picture alliance
Raúl Gonzalez Blanco - Kwalalye 71
Raúl ya zama shahararren dan wasan Real Madrid. Ya dade a matsayin jagoran 'yan wasa kusan fiye da kowane dan wasa. Wasanni 550 ya yi tare da tawogar kungiyar ta Sifaniya, kuma 132 daga ciki na wasannin kofin kofin zakarun Turai. Sau uku yana lashe kofin tare da Real. Shi dai Raúl ya jefa kwallaye 71 a wasannin na cin kofin zakarun Turaida kuma shekaru biyu da ya yi da kungiyar Schalke 04.
Hoto: Daniel Ochoa de Olza/AP/picture alliance
Karim Benzema - Kwallaye 90
A shekaru 18 da haihuwa dan wasan Faransa ya jefa kwallon farko a wasannin cin kofin zakarun Turai a farko da kungiyar Lyyon. Daga shekara ta 2009 zuwa 2023, Benzema yana cikin wadanda suka yi fice har zuwa kungiyar Real Madrid. Bayan karya yatsa a shekara ta 2019 Benzema yana wasa yatsa a daure, sannan akwai jita-jita game da lafiyarsa. A shekara ta 2023 ya bar Turai zuwa Saudiyya.
Hoto: Pierre-Philippe Marcou/AFP
Robert Lewandowski - Kwallaye 96*
Tsohon dan wasan kungiyar Bayern Munich wanda ya lashe gasar a shekara ta 2020 yana cikin fitattun 'yan wasa na duniya, kuma wanda yake kan gaba wajen jefa kwallaye a wasannin neman cin kofin zakarun Turai. Ya yi wasa da kungiyoyin Borussia Dortmund, FC Bayern da FC Barcelona. (Wannan har zuwa daya ga watan Oktoba na shekara ta 2024).
Hoto: MATTHEW CHILDS/POOL/AFP
Lionel Messi - Kwallaye 129
Idan kungiyar FC Barcelona za ta dogara da wani tsakanin shekara ta 2004 zuwa 2021 , zai zama Lionel Messi wanda ya kware wajen jefa kwallo a raga. Dan Ajentina ya jefa kwallaye 120 tare da Barcelona a wasannin cin kofin zakarun Turai, ya yi wasa na wani lokaci da kungiyar PSG. Dan wasan sau shida ya zama wanda ya fi cin kwallaye a wasannin cin kofin zakarun Turai. Yana Amurka tun shekara ta 2023.
Hoto: Sebastian Frej/imago images
Cristiano Ronaldo - Kwallaye 140
Dan wasan daga kasar Potugal ya lashe gasar zakarun Turai sau biyar. Duk wuraren da ya yi wasa daga Manchester United, Real Madrid or Juventus Turin, shi dai Cristiano Ronaldo ya zama wanda yake jefa kwallaye a raga. Sau biyar ya zama kwarzon 'yan wasa na duniya, wanda zai kawo karshen wasannin da yake a kasar Saudiyya. Ya zama wanda ya fi kowa jefa kwallaye a wasannin cin kofin zakarun Turai.
Hoto: Naomi Baker/Getty Images
Hotuna 111 | 11
A Laraba 17 ga watan na Satumbar 2025, Bayern Munich za ta karbi bakuncin Chelsea. Liverpool kuwa za ta kece raini da Altelico da Madrid, Ajax Amsterdam za ta karbi bakuncin Inter Milan kana Olympiacos za ta kara da Pafos. A ranar Alhamis 18 ga watan na Satumbar 2025 kuwa, Kobenhavn za ta karbi bakuncin Bayer Levekusen, sai kuma Barcelona za ta yi tattaki zuwa Newcastle.
Kungiyar Mannschaft ta Jamus da ta lashe gasar kwallon kwando ta na hiyar TuraiHoto: sampics/picture alliance
Tawagar Mannschaft ta Jamus ta lashe kofin nahiyar Turai na kwallon kwando a karo na biyu bayan 1993, inda ta doke Turkiyya da ci 88 da 83 a wasan karshe da suka fafata a kasar Lithuania. Wannan nasara da Mannschaft ta samu a gaban dumbin 'yan kallo ciki har da shugaban kasar Frank-Walter Steinmeier na zuwa ne, shekaru biyu bayan da tawagar ta lashe kofin duniya na kwallo kwando. Godiya ta tabbata ga kyaftin din Jamus Dennis Schröder wanda shi ne ya yi awon gaba da kyautar dan wasan da ya fi nuna bajimta a wannan gasa, hasali ma Bajamushen mai shekaru 32 a duniya shi ne ya zura kwallaye shida na karshe da suka bai wa Jamus din nasara a wannan karawa mai cike da kalubale.
