An kammala daukacin wasannin zagaye na 'yan 16 wato mataki na biyu a gasar neman lashe kofin kwallon kafa na kasashen nahiyar Turai da ke gudana a nan Jamus.
Turkiyya ta yi nasarar kai wa zagayen quater finals a gasar Euro 2024 da ake yi a JamusHoto: Matthias Koch/IMAGO
Talla
A kwai dai darussa da dama a wannan mataki da aka kammala na zagayen 'yan 16, inda a wasannin da aka fafata ranar Talata Turkiyya ta doke Austriya da ci biyu da nema. Mai tsaron baya na Turkiyyan Merih Demiral ne ya zura duka kwallayen biyu rigis da suka bai wa Ankarar nasarar korar Austria daga gasar ta bana. Ita kuwa Holland ta casa Romania da ci uku da nema, godiya ga Donyell Malen da ya zura kwallaye 2 cikin ukun da kuma Coady Gakpo da ya zura kwallo daya. Ranar Jumma'a da ke tafe biyar ga wannan wata na Yuli da muke ciki, za a fara wasannin zagayen dab da na kusa da na karshe wato quater finals, kafin ranakun tara da 10 ga watan na Yuli a buga wasannin semi finals bayan an yi tankade da rairaya tsakanin kasashen da suka kai matakin na quater finals.
Spainiya za ta kece raini da Jamus mai masaukin baki da misalin karfe shida agogon Jamus din wato karfe biyar agogon Najeriya da da Nijar da Kamaru da Chadi, karfe hudu ke nan agogon GMT da Ghana. Za kuma a fafata tsakanin Portugal da Faransa da misalin karfe tara agogon Jamus wato karfe takwas agogon Najeriya da da Nijar da Kamaru da Chadi, kana karfe bakwai agogon GMT da Ghana. A Asabar din karshen mako kuwa, Ingila za ta fafata da Switzerland da misalin karfe biyar agogon Najeriya da da Nijar da Kamaru da Chadi, karfe hudu ke nan agogon GMT da Ghana. Za a buga wasan karshe a wannan zagaye tsakanin Holland da Turkiyya da misalin karfe takwas agogon Najeriya da da Nijar da Kamaru da Chadi, kana karfe bakwai agogon GMT da Ghana.
Euro 2024: 'Yan wasa masu kasashe biyu
Ga 'yan wasa da dama, babu tambaya kan kasar da suka zaba idan ana batun buga wasan kwallon kafa na kasa da kasa. Ga wasu kuma abun ba a bayyane yake ba, wasu kuwa suna da zabi.
Hoto: Joeran Steinsiek/Steinsiek.ch/IMAGO
Jamal Musiala
Jamal Musiala ya fuskanci kalubale wajen zabar kasarsa ta asali Jamus ko Ingila da ya rayu tun yana da shekaru bakwai a duniya. Dan wasan rainon makaranatar koyon kwallon kafa ta Chelsea ya dawo kungiyar Bayern Munich ta Jamus, inda ya zabi Jamus duk da ya buga wasanni a matakan matasan 'yan kwallo dabam-dabam a Ingilan. Ya fara bugawa kungiyar Nationalmannschaft ta Jamus, a watan Maris na 2021.
Hoto: Ralf Ibing/firo Sportphoto/picture alliance
Kylian Mbappe
Zai wahala ka yi tunanin ganin Kylian Mbappe sanye da rigar kwallon kafa ta wata kasa in ba Les Bleus ba, amma shi ma yana damar bugawa karin kasashe biyu. Zai iya buga wa Kamaru saboda mahaifinsa, zai iya zabar kungiyar Indomitable Lions. Ko kuma ya buga wa Fennec Foxes ta Aljeriya saboda mahaifiyarsa. Sai dai a Faransa kawai ya taba buga wasa, tun daga kungiyoyin 'yan wasa masu kananan shekaru.
Hoto: FRANCK FIFE/AFP
Mateo Retegui
Za a iya cewa Mateo Retegui sabon dan wasa ne a Italiya, tun da an haife shi kuma ya girma a Ajantina. Ya fara suna sanda ya buga wa kungiyar Boca Juniors a 2018. Bayan buga wa kungiyoyin kwallon kafa uku a Ajantina ya koma kasar kakanninsa biyu Italiya, inda ya fara buga wasa a Serie A. Ganin yana da damar buga wa Italiya wasa, ya fara buga wasa a kungiyar Azzurri a watan Maris na 2023.
Hoto: Giuseppe Maffia/IMAGO
Callum Styles
Callum Styles bai yi kama da sunan 'yan asalin Hangari ba, sai dai kuma yana sanye ne da rigar 'yan wasan kasar. Haifaffen Greater Manchester Ingila, Styles ba lallai sai a kungiyar Three Lions kawai zai iya buga wasa ba zai ma iya zabar Ukraine kasancewar kakanninsa sun fito daga kasashen Ukraine da Hangari. Ya fara bugawa Hangari wasa, yayin wasan sada zumunci da Sabiya a watan Maris na 2022.
Hoto: Zac Goodwin/PA Images/IMAGO
llkay Gündogan
Haifaffen garin Gelsenkirchen, llkay Gündogan ya fara suna a kungiyar Dortmund kafin ya koma Manchester City yanzu kuma yana Barcelona. Kafin Gasar Cin Kofin Kwallon Kafa na Duniya ta 2018, shi da dan wasan Jamus Mesut Özil sun gana da shugaban Turkiyya Recep Tayyip Erdogan. Hakan ya janyo cece-kuce a Jamus, inda Özil ya yi ritaya bayan gasar shi kuma Gündogan ya ci gaba da buga wa kasarsa Jamus.
Hoto: Urbanandsport/NurPhoto/IMAGO
Lamine Yamal
Lamine Yamal ya fara suna a Barcelona yana shekaru 15 da watanni tara a duniya a Afrilun 2023, watanni shida bayan nan ya fara buga wa babbar kungiyar Spaniya da shekaru 16 da kwanaki 50. Ya ci kwallo a wasansu da Jojiya da suka yi nasara da ci bakwai da daya, dan wasa mafi karancin shekaru da ya ci kwallo a tarihin kasar ya zabi Spaniya a kan kasashen iyayensa na Maroko da Equatorial Guinea.
Hoto: Xavi Urgeles/ZUMA Press Wire/IMAGO
Jeremie Frimpong da Memphis Depay
Jeremie Frimpong (daga hagu) yanzu ne zai fara buga wa Jamus wasa, yayin da Memphis Depay (na biyu daga dama). Ta hanyar mahaifinsa, Memphis zai iya zabar buga wasa a Ghana. Dan asalin Amsterdam Frimpong zai iya buga wasa a Ghana ko ma zabi na uku Ingila kasancewar sun koma can da zama tun yana dan shekaru bakwai a duniya, sai dai ya zabi buga wa Jamus.
Hoto: Koen van Weel/ANP/IMAGO
Romelu Lukaku
Da shekaru 31 a duniya, Romelu Lukaku ya yi kakar wasanni ta bana a matsayin aro a kungiyar Roma daga Chelsea. Ya fara buga wa Beljiyam a matakin 'yan kasa da shekaru 15, ya buga a babbar kungiyar kasar a wasan sada zumunta da Croatia a watan Maris na 2010. Ya zama dan wasan Beljiyam da ya fi zura kwallo da kwallaye 83 a wasanni 114. Ya zabi Beljiyam maimakon Jamhuriyar Dimukuradiyyar Kwango.
Hoto: Giuseppe Maffia/IMAGO
Hakan Calhanoglu
Hakan Calhanoglu dan wasan da aka haifa a Jamus da ke da asali da Turkiyya, ya yanke shawarar buga wasa a kasar iyayensa. Haifaffen Mannheim ya fara wakiltar kungiyar 'yan kasa da shekaru 16 da Turkiyya, kafin ya wakilci babbar kungiyar kasar a watan Satumbar 2013. Amma bai taba yin wasa a wata kungiyar ta Turkiyya ba, sai dai ya yi wasa a Jamus. A yanzu ya koma Serie A, yana buga wasa a Inter.
Hoto: Gabriel Bouys/AFP/Getty Images
Rafael Leao
An haifi Rafael Leao a wajen birnin Lisbon na Portugal, ya kuma fara buga wasa a kungiyar Sporting CP kafin ya fara wasa a babbar kungiyar a Fabarairun 2018. Zai iya zabar kasashen Angola ko Sao Tome da Principe saboda iyayensa, sai dai mai shekaru 24 a duniyar ya wakilci kungiyoyin 'yan wasa masu kananan shekaru na Portugal dabam-dabam kafin fara wakiltar babbar kungiyar kasar a Oktoban 2021.
Hoto: Fabrizio Carabelli/ZUMA Wire/IMAGO
Josip Stanisic
Josip Stanisic (a dama) babban misali na Jamusawa da bakin ma'aikata daga tsohuwar Yugoslabiya suka haifa. Ya fuskanci kalubale, kafin ya zabi kasar da zai wakilta. Stanisic ya buga wasanni biyu ga kungiyar 'yan kasa da shekaru 19, amma da ya kai matakin 'yan kasa da shekaru 21 ya sauya ra'ayi. A shekara ta 2021, ya fara wakiltar babbar kungiyar kasar iyayensa Kuroshiya a yanzu.
Hoto: Laci Perenyi/IMAGO
Granit Xhaka and Xherdan Shaqiri
Granit Xhaka da Xherdan Shaqiri sun buga wasanni sama da 120 ga Switzerland, kuma duka sun fara ne daga garin Basel. Dukansu za su iya wakilitar Albaniya, kamar dan uwan Granit wato Taulant saboda asalin da sauke da shi da Kosovo da Albaniya. Kai a nan ma aka haifi Shaqiri. Bayan an amince da Kosovo a UEFA da FIFA a 2016, 'yan wasan sun samu kasa ta uku da suke da zabi.
Hoto: Joeran Steinsiek/Steinsiek.ch/IMAGO
Hotuna 121 | 12
'Yan wasa uku ne ke kan gaba wajen zura kwallaye a gasar, wadanda ke da kwallaye uku kowannesu a yanzu haka. 'Yan wasan su ne Cody Gakpo na Holland da Jamal Musiala na Jamus da kuma Georges Mikautadze na Georgia da tuni aka fitar da kasarsa daga gasar, mai tsaron ragar kasar Portugal Diogo Costa ya sha yabo sosai kan kokarin ceto kasarsa da ya yi a lokacin bugun daga kai sai mai tsaron gida a zagaye na biyu da suka buga da Slovenia. Diogo Costa dai, ya kabe kwallaye uku ya hana su shiga raga kuma ana cikin wa'adin karin lokaci wato extra time ya ceci kasarsa bayan sun yi ido hudu da fitaccen dan wasan Austria Benjamin Sesko amma ya tare kwallon da mai tsaron baya Pepe ya yi kuskuren barinta. Sai dai har yanzu tsohon zakaran duniya Cristiano Ronaldo bai jefa kwallo ko daya ba, a duka wasannin da ya buga a wanna gasa ta bana.
Ita kuwa Faransa na shan suka kan rashin zura kwallaye da yawa a gasar ta bana duk kuwa da tarin fitattun 'yan wasa da take da su, kasancewar kwallo daya tak ta jefa da kanta da Kylian Mbappe ya zura a karawarsu da Poland a wasan rukuni da suka tashi kunnen doki daya da daya. Sauran kwallaye biyun da Faransa ta ci dai, duka sun fito ne daga bangaren abokan karawarsu da suka ci kansu wato own goal. Mai masaukin baki Jamus ba ta tsira daga masu suka ba, kasancewarta gogaggiya wajen karbar bakuncin wasannin duniya dabam-dabam. Ta sha suka dangane da wasanta da Denmark da aka buga a birnin Dortmund da ruwan sama da kuma iska mai karfi suka rinka janyo dakatar da shi a lokacin da ake tsaka da bugawa, sakamakon yanayin tsarin filin.
