Rahotanni da ke fitowa daga yankin Arewa maso Yammacin Najeriya, na cewa wasu 'yan bindiga da ba'asan ko su waye ba ya zuwa yanzu, sun bindige har lahira Alhaji Ibrahim Madawaki, hakimin Kucheri da ke karamar hukumar Tsafe a jihar Zamfara. 

Rundunar 'yan sandan jihar ta Zamfara ta tabbatar da afkuwar lamarin ta bakin kakakinta SP Shehu Muhammad kamar yadda ya yi wa wakilinmu Yusuf Ibrahim Jargaba karin bayani. Jihar Zamfara dai na ci gaba fuskantar hare-haren 'yan bindiga kusan ko wane mako, lamarin da ke sanadiyar rasa rayukan al'ummomin da basu ji ba su gani ba.