A Najeriya, al'ummar kauyen Kaurar Yabo da ke cikin karamar hukumar Yabo ta jihar Sakkwato na cikin tashin hankali, bayan da aka samu mutuwar wasu mutane 7 duk 'yan gida guda bayan sun ci wani abinci da ake zargin da guba a wannan Talata.

Yanzu haka mutanen wannan gari na cikin alhini da kuma jimamin wannan lamari da ya faru, ga abin da wani dan uwan wadanda wannan mummunan al'amarin ya faru da su ya shaidawa wakilinmu na jihar Sakkwato Ma'awiyya Abubakar Sadiq....

Wannan na zuwa ne bayan da a Najeriya, rahotanni ke cewa wani ango da 'yan uwansa biyar sun mutu bayan cin abincin biki a jihar Enugu da ke kudancin kasar, ana zargin sun ci guba a abincin.