'Yan hamayya a Turkiyya sun bijire wa sakamakon zabe
April 17, 2017![Türkei Referendum Wahllokal in Diyarbakır](https://static.dw.com/image/38447290_800.webp)
Shugaban kasar Turkiyya Rejap Tayyip Erdogan ya lashe zaben raba gardamar kasar mai tarihi, zaben kuma da zai fadada karfin iko da yake da shi. Jamiyyun adawar kasar dai sun ce basu amince ba, a don haka ne suke cewa za su kalubalanci sakamakon zaben na jiya Lahadi.
Kasashen duniya na kiran yin taka tsantsan da zaben na Turkiyya, da shugaba Erdogan din ya sha da kyar. Wasu manyan kungiyar tarayyar Turai ma dai sun ce suna kallon lamarin cikin tsanaki.
Wani sakon hadin guiwa daga shugaban kugiyar ta EU John Claude Juncker da mai kula da dangantakar kasashe Federica Mogherini da ma Johannes Hahn ya ce suna dakon nazarin masu sa ido na kasashen duniya kan sakamakon wannan zaben da ke da 'yar karamar rata. Faraiminista Erdogan dai ya bijirewa kungiyar ta EU cikin shekarun da suka gabata.