Korafin 'yan jaridar dai daga China, shi ne yadda matakan hukumomin ke dakile kokarinsu na samar da sahihan labarai cikin lokaci.

Wata kuri'ar jin ra'ayi da aka yi, ta nuna cewa kashi 99% cikin 100 na masu aiko da rahotannin daga China sun ce aiki a China ya gaza hawa mizanin aikin jarida na kasa-da-kasa.

Wasu ma daga cikin manyan matsalolin da suke fuskanta, su ne na hana su takardun zama wato visa da tsananin sa ido da barazana iri-iri.

Wani sama da kaso 30 ma daga cikin su, sun ce ana hana su 'yancinsu na daukar labarai a wasu muhimman bukukuwa da ke faruwa a kasar ta China.