Cikin watan da ya gabata, man fetir din da aka sayar a Najeriya na matsayin lita miliyan 48 ne da dubu 430, maimakon lita miliyan 66 da dubu 900 da aka saba kafin janye tallafin.

Man na fetir dai ya yi tsada a kasar sabanin yanda yake a gomman shekarun da suka gabata, a kasa mafi karfin arziki a nahiyar Afirka.

Rahotanni ma daga kasashen Kamaru da Benin da Togo, na nuna cewa 'yan kasuwanni bumburutunman fetir sun durkushe tun bayan da aka janye tallafin saboda tsadar makamashin a yanzu.

Dala biliyan 10 ne Najeriyar ta kashe a bara wajen biyan kudin tallafin man.

Bankin duniya kuwa a gefe guda ya ce Najeriyar na iya adana akalla biliyan biyar da miliyan 100  na dala daga janye tallafin da ma sauye-sauyen da Tinubu ya kawo a fannin hada-hadar kudaden ketare.