A tsakiyar makon ne dakarun suka kaddamar da hare-hare kan 'yan tawayen Huthi a babbar tashar jirgin ruwa da ke kasar, bayan da wani harin 'yan tawaye a kudu da birnin Hodeida ya halaka sojoji 12. A yanzu dai sojoji na ci gaba da dannawa birnin tare da samun nasara kan 'yan tawayen da suka yi kaka gida da filin jirgin na Yemen.

Majalisar Dinkin Duniya ta nuna damuwa kan halin kunci da dubban fararen hula ke ciki, tun bayan da yankin ya fada hannun 'yan tawaye a shekarar 2014. Kwace birni zai zama nasara mafi girma ga sojojin kawancen.