Masu aiko da rahotanni suka ce sojin masu yawan gaske ne ke kokarin ganin Tikrit din ta koma karkashin ikon gwamnatin kasar.

Karim al-Nur da ke zaman guda daga cikin masu wannan fafutuka ya shaidawa kamfanin dillancin labarai na AFP cewar nan da kwanaki uku da ke tafe suke sa ran maida Tikrit din karkashin ikon hukumomin Iraki din.

Sojin na sa kai dai yanzu haka sun yi wa garin kawanya batun da ya sanya mayakan IS din da ba su wuce 70 suka gagara ficewa daga cikinsa.