Sama da mutane milyan 139 na 'yan ƙasar Brazil ne ke ka'ɗa ƙuri'unsu domin zaɓen wakilai da magaddan gari da ƙananan hukumomi kimanin dubu 5 da 568 da ke ƙasar. An buɗe runfunan zaɓen ne da misalin ƙarfe takwas na safe yayinda za a rufesu kuwa da misalin ƙarfe biyar na yamma. A ƙalla 'yan takara dubu 450 ne daga jam'iyyun siyasa 20 ke zawarcin kujeru dubu 1,500. Wannan zaben dai na a matsayin wani matakin farko kafin zaben shugaban ƙasar da za a yi a shekara ta 2014.

Mawallafi : Issoufou Mamane
Edita : Saleh Umar Saleh