Sudan: Za a kashe jami'in da ya taka mutum da mota
May 24, 2021![Hammer Gerichtssaal Gericht Richter-Hammer](https://static.dw.com/image/56743779_800.webp)
Talla
Kotun ta ce Youssef Mohieldin al-Fiky ya taka daya daga cikin masu bore da mota har lahira yayin tarwatsa dandazon zanga-zanga da aka yi a birnin Khartoum a 2019.
Marigayin Hanafy Abdel-Shakour yana cikin mutane sama da 120 da ake zargin jami'an tsaron gwamnati suka kashe lokacin zaman dirshen a wajen hedikwatar sojojin Sudan a boren bayan hambarar da gwamnatin tsohon Shugaban kasar Omar al-Bashir.