Ofishin kare hakin bani Adama na Majalisar Dinkin Duniya ya ce wakilansa da ke sa ido kan batun kare hakin dan Adam a Ukraine na bibiyar batun, kuma nan da gaba za su kai ziyara a yankin Kharkiv da dakarun Ukraine suka kwace a baya bayan nan daga hannun Rasha.

Shugaba Volodymyr Zelensky ya zargi Rasha da aikata kisan gilla ga fararen hula a Izyum, tare da bayyana cewa ya zama wajibi a saka haske kan kabarin da aka sama da gawarwaki.

Shugaba Zelensky ya ce akwai bukatar duniya ta bude idonta don ganin irin ta'asar da Rasha ke yi a ci gaba da mamayar da take yi a Ukraine.