Kwanaki biyar bayan da Amirka ta halaka Janar Qassem Soleimani, kasar Iran ta mayar da martani ta hanyar harba wasu makamai masu linzami kimanin 15 kan wasu cibiyoyin sojin Iraki guda biyu wadanda sojojin Amirka ke girke a cikinsu.

Harin dai ya ci karo da martani mabambanta daga shugabannin kasashen duniya, wadanda suka yi kira ga kasashen Amirka da Iran da su bi hanyoyin diflomasiyya don warware rikicin tun bai rikide ya zama yaki ba.